Me futjen e Komunës së Prishtinës në karantinë për shkak të rasteve me COVID-19, kanë filluar të krijohen edhe kolona në hyrje-dalje të kryeqytetit, shkruan Llapi.info.
Kësisoj, kolona të gjata janë krijuar edhe sot në rrugën nacionale Prishtinë – Podujevë.
Lexues të Llapi.info kanë dërguar video teksa shihet një numër i madh i automjeteve përgjatë kësaj magjistraleje.
Në të gjitha hyrje-daljet e kryeqytetit, Policia e Kosovës nga ka filluar kontrollet, pas vendimit që Prishtina të futet në karantinë.
Policia ka vendosur dy kontrolle, një në fshatin Lupç dhe një tjetër tek rreth-rrotullimi në Lebanë.
Ndryshe, ka shkuar në 598 numri i të infektuarve me virusin korona në Kosovë. Numri i viktimave të martën ka arritur në 16./Llapi.info
