Komisioni për arsim në Kuvendin e Kosovës ka ratifikuar emrat e anëtarëve të Këshillit Shtetëror të Cilësisë, njofton Klan Kosova.
Shumica e deputetëve të këtij komisioni e votuan listën me emrat e anëtarëve në mënyrë që Kuvendi ta votojë më pas.
Këtë e kërkoi paraprakisht edhe ministri i Arsimit, Shyqyri Bytyqi, pasi më 19 prill do të mbahet mbledhja e ENKEA-s, e cila sipas rregullave kërkon që Kosova të ketë bord aktiv të akreditimit.
