Komuna e Podujevës ka marrë vendim për ndarjen e 5 mijë eurove ndihmë financiare për familjen e 18 vjeçarit të vrarë para disa ditësh, Lulzim Fejzullahu.
Në dokumentin e siguruar nga Llapi.info, vendimi është marrë sot dhe mjetet financiare do të dorëzohen në xhillogarinë e vëllaut të Lulzimit, Gzim Fejzullahut.
Ndihma e tillë ishte paralajmëruar edhe para disa ditësh nga kryetari i komunës së Podujevës, Shpejtim Bulliqi.
Ai dje bashkë me kryeministrin Albin Kurti dhe disa zyrtarë të tjerë shtetëror qëndruan në familjen e Lulzim Fejzullahut, ku përveç ngushëllimeve, kërkuan edhe drejtësi për rastin që tronditi vendin.
