Faza e grupeve është drejt fundit, teksa mbrëmja e të hënës përcaktoi edhe çiftin e parë të raundit të 1/8-ve.
Zvicër-Itali është ndeshja e parë e konfirmuar, me “helvetët” që u pozicionuan në vendin e dytë të Grupit A, teksa kampionët në fuqi u renditën po në vendin e dytë, por në Grupin B.
Ndërkohë, deri më tani janë kualifikuar edhe Gjermania, Spanja dhe Portugalia që do të presin edhe pak për të mësuar zyrtarisht rivalët e tyre.
Sot e nesër do të kompletohen 16 skuadrat që vazhdojnë tutje dhe tetë të tjerat që eliminohen.
