Kryetari i Kuvendit të Kosovës, Glauk Konjufca, ka kërkuar mbështetjen e Belgjikës në procesin e liberalizimit të vizave si dhe në rrugëtimin e Kosovës për në Bashkimin Evropian.
Ai këtë e tha gjatë një takimi që pati me ambasadorin belg në Kosovë, Jean-Louis Servas, nga i cili është uruar për detyrën e re, të enjten.
Në takim është biseduar për zhvillimet e gjithëmbarshme politike, por edhe për përpjekjet e Kosovës për menaxhimin e pandemisë dhe të sigurimit të vaksinave anti COVID.
Konjufca ka falënderuar ambasadorin Servas për ndihmën të cilën Belgjika i ka dhënë Kosovës në periudha të ndryshme.