Kopshti i fëmijëve “Engjujt” në Podujevë ka festuar sot Ditën e Fëmijëve- 1 Qershorin. Lajmin për portalin Llapi.info e ka bërë të ditur drejtoresha e këtij kopshti, Bukurie Sopa.
Ajo ka thënë për Llapi.info se për nder të Ditës së Fëmijëve, ky kopsht ka organizuar një program që ka zgjatur dy orë e që ka qenë i ndarë në dy pjesë.
“Programi ka përmbajtur pikat si: recitim, këndim dhe vallëzim. Programi ka zgjatur një orë në kopsht dhe një orë në qytet”, ka thënë Sopa për Llapi.info.
Bukurie Sopa ka treguar se kopshti “Engjujt” është i vetmi kopsht në Podujevë që është i licensuar nga Ministria e Arsimit, Shkencës dhe Teknologjisë.
Llapi.info u sjell disa foto nga festa e fëmijëve në këtë kopsht./Llapi.info
