Sokol Halili, ndaj të cilit i ishte ngritur një aktakuzë në Gjykatën e Ferizajt, është autori që ia mori jetën ish-bashkëshortes së tij, e cila ishte shtatzënë dhe në prag të lindjes së fëmijës së saj, raporton Paparaci.
Fatkeqësisht, dy jetë u shuan të mërkurën rreth orës 18:00 në Klinikën e Gjinekologjisë në QKUK.
Halili i cili kishte kanosur edhe më parë ish-gruan e tij, ka qëlluar me armë zjarri Hamide Magashin, 35-vjeçare e cila vinte nga fshati Llugaxhi i Lipjanit.
Ai ka ikur nga oborri i maternitetit me një veturë të tipit Opel Astra dhe më pas është larguar nga vendngjarja në një drejtim të panjohur, duke e lënë viktimën të dergjet mes gjakut në oborrin e QKUK-së.
Nga ana tjetër, Policia e Kosovës ka filluar operacionin për kapjen e tij.
Edhe krerët e shtetit teksa kanë ngushëlluar familjen e viktimës, kanë kërkuar kapjen e tij sa më shpejt që është e mundur.
Të njëjtit gjithashtu kanë lypur nga institucionet e drejtësisë që i dyshuari ta marrë dënimin e merituar.
