Deputetja e pavarur Mimoza Kusari-Lila pas dështimit të seancës të thirrur nga opozita, ka thënë se çdo vendim po merret me diktat të Hashim Thaçit, që sipas saj, po kontrollon pozitën dhe po vë në pikëpyetje funksionin e Kuvendit.
“Sot çdo gjë po vendoset me diktat të Hashim Thaçit. Sot kemi një president që kontrollon pozitën, që ndërron territore, çka na duhet Kuvendi në këtë rast. Nëse dështojmë [si Kuvend] në këtë pikë, atëherë duhet ta ndërrojmë rendin kushtetues”, ka thënë deputetja Kusari-Lila.
