Kandidatura e Fehmi Zeqirit për deputet nga radhët e LDK-së, dega në Podujevë, u konfirmua sot.
Në një reagim të tij ai i ka falenderuar zyrtarët e LDK-së për besimin e dhënë.
Shkrimi i plotë:
Të nderuar,
Miq kolegë,bashkëpunëtor ,bashkëveprimtar, dhe qytetarë të Llapit, të Kosovës dhe diasporës.
Rrugëtimi im politik ka filluar që nga themelimi i Lidhjes Demokratike të Kosovës, duke ju bashkuar misionit dhe vizionit për liri, pavarësi dhe demokraci për shtetin e pavaruar të Kosovës të udhëhequr nga ideatori, qëndrestari dhe ati themeltar i Republikës së Kosovës Dr. Ibrahim Rugova.
Me propozimin e kryetarit të degës së LDK-së, në Podujevë Dr.Ekrem Hyseni, me përkrahjen e kryesisë dhe aprovimin nga Këshilli i Përgjithshëm i LDK-së .
Sot po filloj një rrugëtim të ri duke u bërë pjesë e listës së kandidatëve për deputet të Kuvendit të Kosovës.
Me vendosmëri, angazhim dhe përkushtim maksimal do të jem zë i fuqishëm në shërbim të interesit të qytetarëve dhe shtetit të Kosovës.
Jam shumë i lumtur dhe krenar që të jam pjesë e një liste të fitores dhe ndryshimit që udhëhiqet nga kryeministri në ardhje Prof.Dr Lumir Abdixhiku.
