Sot rreth orës 12:00 në mesditë është vjedhur një veturë e tipit Golf 2 me targa 01 893 GS, në afërsi të Emergjencës në Podujevë, shkruan Llapi.info.
Pronari i veturës Blerim Musa ka treguar për Llapi.info rreth orës 12:00 ka parkuar veturën e tij afër emergjencës në një parking në ndërtimin dhe kur ishte kthyer rreth orës 14:00 nuk e kishte gjetur veturën.
“Sot rreth orës 12:00 e kam parkuar veturën në një parking afër emergjencës dhe kur jam kthyer në ora 14:00 nuk e kam gjetur atë”, ka thënë ai për Llapi.info.
Më tej ai ka treguar se vetura e tij është e tipit Golf 2, ngjyrë e zezë, dy dyersh.
Ai për Llapi.info ka thënë se nuk dyshon tek askush përderisa rastin e ka lajmëruar në Policinë e Kosovës.
Llapi.info ka kontaktuar Policinë në Podujevë të cilët kanë konfirmuar rastin.
Zëdhënësja e policisë në Podujevë Antigona Çitaku tha se njësitet policore janë në kërkim të veturës e cila sipas pronarit nuk kishte derivate të mjaftueshme dhe nuk ka mundësi të ketë shkuar larg.
“Rreth orës 16:00 është lajmëruar rasti i vjedhjes së një veture. Rreth orës 12:00 e ka parkuar veturën prapa banesave tek Emergjenca. Kur ka shkuar rreth orës 15:00 e ka vrejt qe i mungon vetura. Njësitë që kemi janë në kërkim të veturës. Sipas personit nuk ka pasur derivate dhe nuk mundet të shkoi larg. Jemi në kërkim të veturës, nuk ka persona të dyshuar” ka thënë Çitaku.
Pronari i veturës ka bërë thirrje për ndihmë tek qytetarët të cilët e shohin veturën ta lajmërojnë Policinë./Llapi.info
