Lidhja Demokratike e Kosovës ka reaguar pas letrës së kryetares së Gjykatës Kushtetuese, Arta Rama-Hajrizit, drejtuar kryeministrit Albin Kurti, për ta uruar për marrjen e detyrës.
LDK-ja, këtë e ka quajtur “afërsi të paprecedentë të Gjykatës Kushtetuese me Qeverinë – përkatësisht pushtetin”.
Kushtetuesja për vite ka ruajtur kredibilitetin e saj, thuhet tutje në reagimin e kësaj partie, duke shtuar se pushteti i Gjykatës është i pavarur nga ai i Qeverisë.
“Tani çdo afrim, i Kryetares së Gjykatës, në emër të Gjykatës, qoftë edhe si urim, i paprecedentë e i pazakontë dhe mbi të gjitha anues, dëshmon për cenimin e kredibilitetit të institucionit në fjalë; në kohë kur paanshmëria është vlerë thelbësore e demokracisë”, thuhet në reagim.
