Bërlloku i shumtë ka “pushtuar” hapësirat përreth liqenit të Batllavës, vend ky i frekuentuar në masë të madhe gjatë vikendeve, shkruan Llapi.info.
Përveç kësaj, ky liqen është duke u ndotur edhe nga ujërat e zeza që derdhen në të. Kështu ka bërë të ditur organizata joqeveritare “Sundimi i Demokracisë në Kosovë”. Sipas SDK-së, ky liqen ka mbetur pa mirëmbajtje nga niveli lokal dhe ai qendror, ndërkohë që është kërkuar vendosja e shportave përreth kësaj hapësire.
“Pse nuk mirëmbahet hapësira përreth Liqenit “Batllava”. Në ditën e tokës Liqeni i Batllaves duket si mos ma keq, ujëra te zeza qe derdhen në Liqen, mbeturina gjithandej, lirisht mundemi te themi një hapsin e lan anash pa përkujdesje institucionale si nga niveli Lokal dhe ai qendror. OJQ SDK bashku me banoret e Orllanit dhe fshatra t përreth disa here ka organizuar aksion pastrimi në pjesën përreth Liqenit . Po ashtu disa here ka kërkuar nga institucionet përkatëse si ato lokale dhe qendrore qe hapësira përreth Liqenit “Batllava” te vendosen shporta për mbeturina dhe te mirëmbahet në mënyra permanente kjo hapsin, është e pa kuptimtë pse ende nuk po gjinden nje bashkëpunim ndërinstitucional për mirëmbajtjen e pjese përreth Liqenit. Orllani fshat në të cilin shtrihet edhe pjesa e Liqenit “Batllava” është njeri nder vendet më atraktive në Kosovë, për ketë arsyeje ka një numër te madh te vizitorëve qe e vizitojnë ketë bukuri natyrore, mirëpo në mungesë te shportave dhe mirëmbajtjes së kësaj hapësire, mbeturina sheh gjithandej. SDK bon thirrje që pjesa përreth Liqenit te mirëmbahet si çdo hapsin tjetër publikë në Komunën e Podujevës”, thuhet në reagimin e SDK-së.
Ndërkohë, duhet përkujtuar se disa aksione janë zhvilluar për pastrimin e liqenit dhe hapësirave përreth tij, por që ndotja vazhdon të jetë e madhe përkundër thirrjeve që bëhen për t’u evituar një gjë e tillë./Llapi.info
