Llapi të dielën do të luajë derbin e xhiros 28-të në ‘Vala Superligë’ kundër liderit aktual Dritës, njofton Llapi.info
Kjo sfidë cilësohet si tejet e rëndësishme për faktin se me fitore eventuale, Llapi do të hynte seriozisht në garë për titull, kurse triumfi eventual i Dritës do të thoshte një hap para drejt titullit të kampionit.
Andaj, duke e parë rëndësinë e ndeshjes, në njoftimin e klubit, Llapi ka shkruar se prezenca e publikut është obligative, duke bërë të qartë kështu se kjo sfidë është jetike për djelmoshat e trajnerit Tahir Batatina.
Kujtojmë, ndeshja luhet të dielën prej orës 15:00 në stadiumin e qytetit ‘Zahir Pajaziti’./Llapi.info
