Maqedonasi, Isein Zejnoski është futbollisti më i ri i Llapit, i cili është prezantuar sot në ambientet e klubit, njofton Llapi.info.
20-vjeçari është mesfushor defanziv, ndërsa ka nënshkruar kontratë me klubin nga Podujeva për dy vite.
“Podujevë, 18 korrik 2019 – KF Llapi ka nënshkruar kontratë 2 vjeçare me futbollistin nga Maqedonia, Isein Zejnoski. Isein Zejnoski, 20 vjeç, i lindur më 14.06.1999 është mesfushor defanziv. Futbollisti ka qenë pjesë e Vëllazërimit dhe e Përfaqësueses së Maqedonisë U19”, ka njoftuar klubi në Facebook.
Ndryshe, edicionin e kaluar Llapi e mbylli në vendin e tretë, duke dështuar ta kap një vend që dërgon në garat evropiane. /Llapi.info
