Ministria e Arsimit, Shekncës dhe Teknologjisë (MAShT) u bën apel të gjithë nxënësve, të cilët këtë vit i nënshtrohen testit të Maturës Shtetërore, që të mos bien pre e keqpërdoruesve, të cilët pretendojnë se e kanë publikuar testin për ditën e dytë në rrjete sociale.
MASHT përmes një komunikate për media ka siguruar nxënësit se testet e publikuara nuk janë testet, të cilat do t’i kenë para vetes në ditën e testimit. Me rastin e mbajtjes së testit të Maturës në Kosovë, ditët e fundit në rrjete sociale kanë qarkulluar fotografi të këtij testi.
Ndryshe, testi i maturës shtetëore ka filluar dje, të cilit dje iu kanë nënshtruar regjioni i Ferizajt dhe Gjilanit, sot do t’i nënshtrohet rajoni i Prishtinës, nesër ata të regjionit të Prizrenit dhe Gjakovës, kurse të enjten regjioni i Pejës dhe Mitrovicës. Provimit të maturës shtetërore do t’i nënshtrohen 29 mijë e 816 nxënës në të gjithë Kosovën
