Nuk kanë asnjë vend pune prej së cilës do të mundë të merrnin para, e jetesën e sigurojnë vetëm nga ndihmat sociale. Sigurisht mund të ketë edhe shumë të tjerë që jetojnë në varfëri e s’i marrin as këto ndihma.
Rreth 106 mijë e 628 qytetarë në vend jetojnë vetëm nga ndihmat sociale. Ndërsa, numri i familjeve që përfituan nga ndihmat sociale për vitin 2017 ishte 26 mijë e 117 familje, shkruan Gazeta Express.
E gjithë kjo sipas “Vjetarit Statistikor të Republikës së Kosovës, 2018”, që ka publikuar ditë më parë Agjencia e Statistikave e Kosovës (ASK).
Në bazë të këtij raporti, komunat në të cilat ka më së shumti familje që marrin social janë kryeqyteti, pasuar nga Mitrovica e Ferizaj.
Të tjera komuna marrin ndihma sociale janë edhe Gjilani, Peja, Prizreni dhe Gjakova.
Vetëm në këto tri komuna, social marrin 16 mijë e 475 familje.
Ndryshe, edhe shuma e parave që marrin familjet nga sociali, dallon nga numri i anëtarëve.
