Memli Krasniqi, nënkryetar i Partisë Demokratike të Kosovës, ka uruar që asnjëherë partia e tij të mos ketë bashkëpunim politik me subjektin me të cilin ishte bashkë në opozitë në legjislaturën e shtatë, Lëvizjen Vetëvendosje.
Krasniqi tha, ndër të tjera, edhe se vetëm qeverisja e PDK-së i ofron stabilitet vendit.
“Shpresojmë që ne kurrë s’kemi me pas koalicion me Vetëvendosjen. Nëse ne i fitojmë zgjedhjet, ne do të mundohemi me e krijua një qeverisje që i ofron stabilitet vendit. Një prej krizave më të mëdha të vendit është jo-stabiliteti”, ka deklaruar ai në T7.
Ai, tutje ka pasur edhe deklarata kundërshtuese për politikat e LVV-së, për të cilën thotë se po tentojnë ta manipulojnë qytetarin.
“Si njerëzit mund të manipulohen nga Albin Kurti dhe nga fakti që njerëzit nuk mund ta vërejnë transformimin e tij të hatashëm nga ai që ka qenë dhe ai që është”, deklaroi ai.
