Mërgimtari Shaban Krasniqi, ka dhuruar një autoambulancë për QKMF-në në Podujevë.
Kjo u bë e ditur në një njoftim të lëshuar nga Komuna e Podujevës.
Për ta falenderuar për këtë gjest ka dalur edhe kryetari i komunës, Shpejtim Bulliqi.
Njoftimi i plotë:
Bashkatdhetari, Shaban Krasniqi i dhuroi autoambulancë QKMF-së në Podujevë
Bashkatdhetari, Shaban Krasniqi i cili jeton dhe punon në Suedi, sot i ka dhuruar një autoambulancë Qendrës Kryesore të Mjekësisë Familjare në Podujevë.
Kryetari Bulliqi e priti në takim dhe e falënderoi z. Krasniqi për donacionin, për të cilën tha se do të shërbejë në ofrimin e shërbimeve dhe ndihmës së shpejtë shëndetësore për pacientët.
Kryetari Bulliqi pranimin e këtij donacioni e ka bërë bashkë me drejtoreshën e Shëndetësisë, Adelina Stublla dhe stafin menaxherial të QKMF-së.
18.06.2024, Podujevë
Zyra për Marrëdhënie me Publikun dhe Informim