Ministria e Shëndetësisë sot do t’i paraqes para kabinetit të Qeverisë Kurti masat e reja antiCOVID, në mbledhjen që pritet të mbahet në ora 19:00.
Burimet e Sinjalit kanë bërë të ditur se Ministria e Shëndetësisë u ka drejtuar paraprakisht një letër kryetarëve të komunave të Kosovës ku kërkohet zbatimi i plotë i masave të reja.
Letra e plotë e MSH-së drejt kryetarëve të komunave:
Me qëllim të informimit paraprak dhe të koordinimit me Komunat e Republikës së Kosovës lidhur me masat e përgjithshme dhe të veçanta për kontrollin, parandalimin dhe luftimin e pandemisë COVID – 19, ju njoftojmë se Ministria e Shëndetësisë ndër të tjera do t’i propozojë Qeverisë së Republikës së Kosovës, që:
– Vendimi të zbatohet në të gjithë Republikën e Kosovës;
– Institucionet publike dhe private të arsimit të vazhdojnë aktivitetin e tyre në mënyrë të rregullt sipas udhëzuesit të përkohshëm për aplikimin a masave për parandalimin dhe luftimin e COVID – 19 në institucionet e arsimit të të gjitha niveleve;
– Shërbimet e gastronomisë të lejohen të zhvillojnë aktivitetin e tyre në përputhje me udhëzuesin e përkohshëm për aplikimin a masave për parandalimin dhe luftimin e COVID – 19 në sektorin e gastronomisë, përmes së cilit vendosën masa për respektimin e distancës në mes të tavolinave dhe përcaktimit të numrit maksimal të personave të lejuar për metër katror;
– Qendrat tregtare të zhvillojnë veprimtarinë duke respektuar me përpikëri masat sipas udhëzuesit të veçantë për qendrat tregtare;
– Kufizimi i orarit të lëvizjes të mbetët në fuqi sipas rekomandimit të IKSHPK-së
