Koha është për ushqime të lehta dhe të shëndetshme të cilat forcojnë shpirtin dhe trupin
Përbërësit e nevojshëm:
– 600 g patate;
– 1 domate e madhe;
– 1 qepë;
– 2 speca të gjelbër;
– 1 karotë e madhe;
– pak lulelakër;
– 1 kungulleshë e vogël;
– 200 g kërpudha;
– një grusht bizele;
– vaj,
– majdanoz;
– spec i bluar;
– piper;
– 2 thelpinj hudhre;
– 2 lugë supë të gatshme me kërpudha.
Përgatitja:
Në vaj fërgoni qepën, shtoni specin e prerë në rrathë, karotën, kungulleshën, pastaj bizelen.
Shtoni kërpudhat, specin e erëzave, piperin, hudhrën dhe fletët e majdanozit.
Tepsinë 30×20 lyeni me vaj.
Gjysmë patate grijeni dhe qiteni në fund të tepsisë pastaj në mes hidhni perimet e marinuara. Mbuloni me pjesën e mbetur të patateve në fletë.
Në 100 ml ujë zbërtheni 2 lugë të gatshme të kërpudhave, përzieni dhe qitjani sipër.
Qitni edhe pak vaj.
Piqni në 200 gradë Celsius rreth një orë.
