Rrjeti i OJQ-ve për rajonin e Llapit, “Demokracia Fillon Këtu”, sot ka ndarë çmime për personalitet e dalluara në Komunën e Podujevës gjatë vitit 2019.
Në ceremoninë e ndarjes së çmimeve për tri personalitete për kontribut të veçantë morën pjesë përfaqësues lokalë, shoqëri civile, media dhe të ftuar të tjerë.
Duke folur për aktivitetet e shumta që ky rrjet i OJQ-ve i ka bërë edhe gjatë vitit paraprak, kryetari i DFK-së, Shemsi Jashari ka falënderuar të pranishmit në këtë tubim, me ç’rast edhe ka ndarë çmimet vjetore. Çmim për kontribut të veçantë ka marrë edhe portali “Llapi.info” si medium informativ në Podujevë, për suksese të shumta në Amerikë u nderua me çmim Xhafer Rama – punëtor i NASA-s dhe aktori i mirënjohur llapjan Adnan Blaku.
Kjo ceremoni për kontribut të veçantë është ngjarje vjetore që u ndahet personaliteteve.
