Sot zhvillohen dy ndeshje në kuadër të javës së 20-të të Superligës së Kosovës në futboll, njofton Llapi.info.
Kjo xhiro takon Llapin dhe Ferizajn, duel ky që zhvillohet në stadiumin me bari sintetik të Ferizajt, me fillim nga ora 13:00.
Bardhekaltrit nga Podujeva udhëtojnë sot për fitoren e radhës, e që synim të njëjtë kanë edhe nikoqirët.
Djelmoshat e Tahir Batatinës hynë në këtë ndeshje pas fitores ndaj Feronikelit në Zahir Pajaziti, kurse Ferizaj u mposht nga Ballkani.
Pas 19-javësh, Llapi ka 28 pikë në pozitën e gjashtë, aq sa ka edhe Feronikeli në pozitën e pestë. Ferizaj numëron 19 pikë në pozitën e dhjetë./Llapi.info
