Në përfundim të protestës, veteranët të cilët protestuan sot para ndërtesës së Kuvendit u kanë shpërndarë lule pjesëtarëve të Policisë së Kosovës.
Përveç luleve, veteranët iu dhuruan edhe përqafime Policisë, që me protestë kundërshtuan mospërfshirjen e kësaj kategorie në Projektligjin për Pagën Minimale.
Nga protesta që filloi sot (e enjte) me fillim nga ora 09:30, veteranët siguruan një takim me kryeministrin Kurti i cili tha se do ta anulojë shkuarjen në Forumin e Prespës për të mbajtur takim me veteranët dhe për të diskutuar në lidhje me pagën minimale.
Pas këmbënguljeve të veteranëve dhe opozitës, është ndërpritur përfundimisht edhe seanca e Kuvendit ku në rend dite ishte edhe tërheqja e Trustit.
