Ministrja e Industrisë, Ndërmarrësisë dhe Tregtisë, Rozeta Hajdari, nënshkroi vendimin që rregullon çmimet dhe vendos masa mbrojtëse për produktet e natës, të përdorshme në transport.
Në njoftimin e MINT-it u bë e ditur se ky vendim është rezultat i mbikëqyrjes së vazhdueshme të tregut të produkteve të naftës, ku si rezultat është evidentuar se, ndryshimet e çmimeve furnizuese nga importi reflektohen menjëherë në rritje të çmimeve shitëse në tregun vendor, por jo edhe kur bien çmimet furnizuese nga importi të produkteve të naftës.
Sipas këtij vendimi përcaktohet marzha tregtare maksimale e lejuar e shitjes me shumicë në 2 eurocentë për litër, dhe marzha tregtare maksimale e lejuar e shitjes me pakicë në 12 eurocentë për litër.
IndeksOnline raporton se tashmë ka nisur aplikimi i këtij vendimi, me shumë pompa që kanë zbritur lehtë çmimet e derivateve të naftës.
Çmimet e Dieselit luhaten mes 1.19 dhe 1.25 euro, ndërkaq ato të Benzinës mes 1.19 dhe 1.23 euro.
Këto çmime, megjithatë, nuk përkojnë me interesat e naftëtarëve.
Fadil Berjani, kryetar i Shoqatës së Naftëtarëve të Kosovës, tha dje për IndeksOnline se vendimi i Ministrisë është i gabuar dhe po shkatërron bizneset.
“Vendimin të cilin e ka nxjerr MINT-i është shumë gabim dhe i paqëlluar. Ju e dini se unë kam qenë shumë transparent, kur ka pas vendime të sakta. Ky vendim është i paarsyeshëm dhe pa u konsultuar me Shoqatën e Naftëtarëve. Vendim i gabuar me ketë vendim i shkatërron bizneset. Kompanitë e mëdha mundet vetëm me i lodhë pak, por kompanitë e mesme dhe te vogla mundet apo është qëllimi me i bankrotu”, thotë Berjani.
Sa i përket uljes së çmimit të derivateve të naftës në nivel global pas vënies së tarifave nga Trumpi, Berjani deklaroi se rënia e çmimit të naftës për 4 centë në Kosovë, është si pasojë e uljeve të tarifave nga Trumpi, dhe jo nga vendimi i MINT-it.
Më poshtë keni të ilustruar variantet e çmimeve të derivateve, në pika të ndryshme në vend:
