Nën patronatin e kryeministrit Isa Mustafa, Qeveria e Kosovës ka organizuar për nesër më 31.01.2017 (e martë), ceremoninë e rivarrimit dhe Akademi Përkujtimore në 20- vjetorin e vrasjes së Heroit Kombëtar Zahir Pajaziti.
Rivarrimi i Heroit Kombëtar Zahir Pajaziti bëhet në ora 10:00, në Kompleksin Memorial në Turuqicë të Podujevës.
Akademia Përkujtimore me rastin e 20-vjetorit të rënies së Heronjve të Kombit, Zahir Pajaziti, Hakif Zejnullahu dhe Edmond Hoxha, mbahet në ora 14:00, Salla e Kuqe e Pallatit të Rinisë, në Prishtinë.
Varri i Zahir Pajazitit ndodhet në varrezat e familjes Pajaziti në fshatin Orllan.
