Ushtruesja e detyrës së presidentes së Kosovës, Vjosa Osmani ka bërë fjalimin e parë për qytetarë pas emërimit të saj në pozitën e u.d të presidentes.
Osmani ka thënë se në këtë kohë kërkohet lidership i fuqishëm, transmeton Telegrafi.
“Shpreh vlerësimin për të gjithë atyre që kanë treguar besim në institucionet tona dhe iu kanë përgjigjur ftesave të Dhomave të Specializuara. Beteja për shtet ndërtim, është beteja më e vështire. Kjo kohë kërkon lidership të fuqishëm. Ne kemi nevojë për solidaritet. Do të promovoj vlera, do të angazhohem që Kosova të bëhet shtet dhe ëndrrat e qytetarëve jetësohen”, është deklaruar Osmani.
Ajo ka kërkuar që qytetarët të qëndrojnë fort e afër njëri-tjetrit.
Gjithashtu, Osmani ka përmendur edhe krimet që Serbia ka kryer në Kosovë.
“Serbia ka vrarë mbi 13 mijë njerëz në Kosovë. Ne shqiptarët e Kosovës kemi qenë viktimë, Serbia ka kryer krime. Këtë duhet ta themi gjithmonë. Zoti e bekoftë Kosovën, popullin dhe miqtë e sa”.
