Një përleshje mes disa personave ka ndodhur para pak minutave në rrugën ‘Bill Klinton’ në Prishtinë, ku si pasojë dyshohet se dy persona janë therur me thikë.
Disa dëshmitarë kanë bërë me dije se gjatë përleshjes janë dëgjuar edhe të shtëna me armë zjarri, teksa personat e lënduar janë dërguar me urgjencë në spital.
Nuk dihen ende motivet që kanë shtyrë drejt rrahjes.
Llapi.info ka kontaktuar edhe Policinë e Kosovës për të marrë më shumë informacione, mirëpo të njëjtit ende nuk kanë kthyer përgjigje.
Llapi.info do t’iu mbajë të informuar.
