Njëri prej të mbijetuarve nga aksidenti tragjik i së dielës në Kroaci, është deklaruar pak para nisjes për në Kosovë.
Mërgimtari kosovar, Drilon Muji, para mediave kroate ka falënderuar Qeverinë e Kroacisë për ndihmën dhe mbështetjen e ofruar për të gjithë të prekurit nga kjo tragjedi.
”Unë veç dua ta falënderoj Qeverinë e Kroacisë për çdo gjë që ka bërë për ne”.
”Dua t’ju falënderoj të gjithë juve. Në Kroaci të gjithë na ofruan ndihmë”.
Ndërsa i pyetur nëse ndjehen të frikësuar, Drilon Muji, nuk komentoi gjatë për një gjë të tillë.
”Jo, nuk mendoj ashtu. Jemi në dorë të zotit!”, u shpreh njëri nga mërgimtarët i cili rrugëtimin nga Gjermania për në Kosovë e kishte nisur në orët e para të së dielës që e lëmë pas, por që fatkeqësisht u përballën me aksident trafiku, ku dhjetëra persona nuk arritën të mbijetojnë.
