Reshjet e shiut, të cilët kanë filluar nga dje, janë duke shkaktuar dëme dhe përmbytje në disa pjesë të Podujevës, shkruan Llapi.info.
Si pasojë e reshjeve të mëdha, e po ashtu edhe grumbullimi i mbeturinave, ka bërë që disa përroska të bllokohen, e disa të dalin nga shtrati.
Llapi.info ka siguruar disa video nga fshati Bajçinë, ku nga përmbytjet po rrezikohen edhe disa shtëpi të këtij fshati.
Gjithashtu, shihet edhe dalja nga shtrati të Lumit Llap, që kalon edhe nëpër këtë fshat.
