Pa energji elektrike nesër nga ora 8:00 deri në 12:00 dhe prej orës 12:00 deri në 16:00 do të mbesin banorët e disa fshatrave të Qytetit të Podujevës, njofton Llapi.info.
Siç njofton KEDS përmes një komunikate për media, kjo ndërprerje e energjisë do të bëhet për shkak të punimeve në revizionimin e largpërçueseve.
Gjatë kohës sa do zgjasin punimet, nga ora 8:00 deri në 12:00 pa furnizim me energji elektrike do të mbesin vendet si: Llapashtica, Sekiraqa, Gllamniku, Konushevci, Burica dhe Penuha.
Kurse, nga ora 12:00 deri në orën 16:00 pa energji elektrike do të mbesin: Obranxha, Perani, Bajqina, Bradashi, Katunishta, Lepaja, Dobratini, Revuqi, Pakashtica, Qyteti (pjesa veriore), Gjimnazi dhe INA./Llapi.info.
