Mbrojtja e kufirit me Serbinë nga patriotë llapjanë daton qysh shumë vite më herët.
Njëra nga betejat më të njohura është ajo e vitit 1944 ku për protagonist kryesor kishte patriotin e lindur në Gërdoc të Podujevës, Ibrahim Shabani, shkruan Llapi.info.
Ishte vetëm 30 vjeç kur ra heroikisht në luftim me forcat serbe duke e mbrojtur kufirin me Serbinë – në pjesën e fshatit Herticë.
Mëposhtë mund të lexoni një biografi për Ibrahim Shabanin e shkruar nga profesori llapjan, Raif Muçolli:
DESHMORET E VITIT 1944
Që dhanë jetën në mbrojtje të kufirit ne fshatin Herticë-Podujevë.
Biografitë
IBRAHIM VESEL SHABANI (1914-1944)
Lindi me 14.10.1914. në fshatin Gërdoc komuna e Podujevës. Rrjedh nga nje familje bujare e patriotike.Prindërit e tij Veseli dhe nëna Akile nga fshati Bërvenik kishin tetë fëmijë,pes djem dhe tri vajza: Ibrahimi,Rrahimi,Ilazi,Jakupi,Ismajli dhe vajzat:Sherifja,Vahidja dhe Feridja.
Familja e Vesel Shabanit në atë kohë gëzonte një autoritet dhe ishte e njohur si familje bujare dhe patriotike.
Ibrahim Vesel Shabani kishte mbarue shkollën –Medrese në gjuhën arabe në Prishtinë.Gjatë asaj kohe sa ishte medresant interesohet edhe për gjuhën shqipe,arrinë që në mënyrë ilegale të siguron Abetarën e Naum Veqilharxhit që në atë kohë ishte rreptësisht e ndaluar.
Ibrahimi së bashku me disa shokë të tij atëdhedashës si Hashim Kuleta nga Ternava e Podujevës,Mustafë Qukolli nga Dumnica e Vushtrrisë,Ejup Sahiti nga Keqekolla,Xhemajl Jashari nga Gërdoci,Qazim Lani nga Lluzhani etj.ndermarrin një iniciativë dhe filluan përgaditjet që një ditë të hapin shkollat me mësim në gjuhën shqipe.
Këto kontakte që zhvilloheshin kryesisht natën ku mësoheshin shkronjat e alfabetit shqip dhe bisedat me njerz atdhedashës ndikuan në formimin kombëtar të Ibrahimit.Fillimi I Luftës së Dytë Botërore e nxiti që së bashku me shumë shokë vullnetar gati prej qdo familje nga një të dilnin në mbrojtje të kufirit në vijën e frontit në fshatin Herticë.
Siq është e njohur në fillim të muajt nëntor të vitit 1944,ushtritë aleate slave të prira nga Ushtria Bullgare ndërmarrin ofenzivë me qëllim të depërtimit në Kosovë dhe në një betejë të pa barabart si në armatim ashtu edhe në njerz,duke luftuar ballëpërball me armikun ra heroikisht Ibrahim Vesel Shabani.
Në atë betejë plagoset rëndë,me ndihmen e shokve bashkëluftetar terhiqet nga vija e frontit dhe ne terheqje e siper ne fshatin Shajkoc ndrron jetë.Vorroset ne varrezat e fshatit Gerdoc.
I ndjeri Ibrahim Vesel Shabani pas vetës la bashkëshorten e devotshme znj.Hamide Sokoli Shabani.Ata si bashkëshort paten tre fëmijë dy djem dhe një vajzë:Idrizi,Eminja dhe Beqiri I cili vdiq në moshën gjashtë vjeqare nga një smundje e mushkerive.Idrizi kishte mbarue shkollen Normale në Prishtinë,punoi si mësues në disa fshatra të komunës së Podujevës së fundi edhe në Podujevë deri sa u pensionue.Eshtë nderue me mirnjohje Veteran i Arsimit . Jeton në Pishtinë.
Vepra dhe akti sublim i Ibrahimi V.Shabanit na bënë krenar,na jep frymëzim dhe është shembull se si mbrohet vendi,na jep të kuptojm se sa shumë veta janë sakrifikue për mbrojtjen dhe qlirimin e këtijë vendi.
