Sezoni i parë i Ligës komunale të futbollit të vogël në Podujevë do të përfundoj të dielen me dy finale, atë të ligës dhe të kupës së kësaj lige. Këto dy finale zhvillohen nesër në ora 15:00 në fshatin Sekiraçë, përkatësisht në stadiumet “Albpetrol”.
Finalja e ligës komunale të futbollit të vogël në komunën e Podujevës zhvillohet ndërmjet FC “Bekanet” dhe FC “Shajkovci”.
Ndërsa, në finalen e kupës së ligës komunale të futbollit të vogël do të ndeshen FC “Gorenje” dhe FC “Albpetrol”.
Këto dy finale janë të vlefshme për organizatorët e kësaj lige dhe për pjesëmarrësit pasiqë kanë punuar shumë për plotësimin e kësaj dëshire, për të arritur deri në këtë pozitë të këtyre ekipeve dhe të ligës gjithashtu./Llapi.info
