Policia e Kosovës në raportin 24-orësh ka njoftuar se dje në ora 13:40 në Podujevë, njësiti policor ka ndaluar të dyshuarin mashkull K-Shqiptar (i mitur) dhe gjatë kontrollit tek i njëjti janë gjetur dhe konfiskuar një cigare dhe një qese e vogël plastike me substancë të dyshuar narkotike të llojit marihuanë.
Sipas policisë, me urdhër të prokurorit rasti vazhdon në procedurë të rregullt.
Po ashtu, Policia e Kosovës ka njoftuar edhe për një konfiskim të një revole me gas dhe një karikator me 5 fishekë në një lokal të Podujevës.
“Njësiti policor gjatë kontrollit në një lokal ka kontrolluar të dyshuarin mashkull K-Shqiptar dhe gjatë kontrollit tek i njëjti është gjetur dhe konfiskuar një revole me gas dhe një karikator me 5 fishekë. Me urdhër të prokurorit rasti vazhdon në procedurë të rregullt”, thuhet në raportin 24-orësh të Policisë së Kosovës./Llapi.info
