Një aksident i rëndë trafiku ka ndodhur sot rreth orës 09:00 në rrugën Prishtinë – Podujevë, konkretisht në fshatin Shakovicë, raporton Llapi.info.
Në bazë të pamjeve që ka siguruar Llapi.info, shihet se në këtë aksident janë përfshirë dy vetura, të cilat janë të shkatërruara.
Si pasojë e këtij aksidenti janë lënduar dy persona. Kështu ka konfirmuar për Llapi.info, zëdhënësja e Policisë së Kosovës, Flora Ahmeti.
“Sot rreth 09:00, në rrugën Prishtinë -Podujevë, ( në fshatin Shakovicë), ka ndodhur një aksident trafiku. Në aksident janë perfshirë dy automjete. Bazuar në të dhënat fillestare, si pasojë e aksidentit janë lënduar dy persona. Njësiti i trafikut rajonal po merret me rastin”, ka thënë Ahmeti./Llapi.info.
