Van der Bellen, presidenti austriak po e vlerëson me rëndësi të madhe forumin që po mbahet në Alpbach të Austrisë.
Kur foli për dialogun ndërmjet Kosovës dhe Serbisë, ai tha se Austria gjatë udhëheqjes së BE-së do t’i jep një rëndësi të madhe këtyre negociatave.
Tha se “diçka ka ndodhur mbrëmë”, duke mos dhënë detaje tjera, transmeton lajmi.net.
“Diçka ka ndodhur mbrëmë. Unë kam përshtypjen se jemi drejt një moment historik”, tha Der Bellen duke iu referuar debatit në forumin e Alpbach, ku folën Thaçi e Vuçiq.
Zgjidhje sa më të shpejt kërkoi edhe Komisioneri Johannes Hahn.
Ai nuk tregoi për zgjidhjet e mundshme, por tha se dy palët duhet të pajtohen në një marrëveshje historike.
Kurse presidenti i Sllovenisë, Borut Pahor deklaroi se arritja e një marrëveshje finale, do të ishte me rëndësi të madhe për Ballkanin dhe Evropën.
“Nëse arrihet një marrëveshje, rajoni ka të ardhme të ndritur. Është e vështirë, por shoh motiv te dy presidentët”, deklaroi ai.
Ndryshe Thaçi dhe Vuçiq dialogun do ta vazhdojnë më 7 shtator në Bruksel.
