Presidenti i Kroacisë Zoran Milanoviq, tha se homologu i tij serb, Aleksandër Vuçiq, e ka kuptuar që Rusia përdor çështjen e pavarësisë së Kosovës si pretekst për veprimet e saj agresive, fillimisht në Krime, e pastaj në tërë Ukrainën.
“Rusët vetëm e përdorën Kosovën si pretekst për pushtimin e Donbasit, por kjo, për mendimin tim, e lë Serbinë pa Kosovën”, tha Milanoviç, ndërsa përshëndeti faktin që Vuçiç në një intervistë të fundit për Bloomberg, në njëfarë mënyre u distancua nga Rusia.
Ai theksoi se Vuçiq e ka kuptuar pikërisht këtë gjë dhe ka filluar të distancohet nga qëndrimet e Kremlimit dhe politikave ilegale që ajo udhëheq.
“Vuçiç është një lojtar dhe një mjeshtër i llojit të tij dhe ai ‘e kuptoi’ se Rusia do ta njihte Kosovën dhe hej, këtu është Plenkoviç”, shtoi presidenti kroat, transmeton televizioni publik kroat.
