Komuna e Prishtinës ka njoftuar se në orët në vijim do të ketë erëra të forta të shoqëruara me reshje shiu.
Kjo, sipas parashikimeve të motit.
Veç kësaj, sipas këtij njoftimi, në orët e vona do të ketë edhe reshje të borës.
Prandaj, Komuna ka lutur qytetarët që të tregojnë kujdes të shtuar, veçanërisht:
“Siguroni objektet e lëvizshme në ballkone ose oborre për të shmangur dëmet nga era; Reduktoni lëvizjet e panevojshme në kushte të motit të rënduar; Kujdesuni për sigurinë në trafik dhe shmangni parkimin pranë pemëve ose objekteve të rrezikshme”.
Kryeqyteti tha se ekipet e veta të emergjencave janë në gatishmëri të plotë për çdo situatë të mundshme.
Për ndihmë apo raportime, mund të kontaktoni Drejtorinë për Siguri dhe Emergjenca në numrin 0800 122 33 ose 122 44.
