Qeveria e Kosovës në mbledhjen e sotme të saj ka miratuar projektligjin për sigurime. Ai i cili edhe ka paraqitur këtë projektligj ministri i financave Avdullah Hoti, ka thënë se hartimi i këtij projektligji ka qenë i domosdoshëm.
Kjo fushë sipas Hotit, deri më tani është rregulluar me rregullore të UNMIK-ut.
Ministri Hoti ka thënë se projektligji do të sqarojë shumë gjëra në aspektin e sigurimit dhe nuk do të ngarkojë apo ndikojë në buxhetin e shtetit.
Përkundrazi, Hoti thotë se projektligji do të sjellë të ardhura shtesë.
