Çmimi i naftës në pompat e derivateve në Kosovë ka arritur vlerë rekorde, prej 1,82 centë. Kështu kanë bërë të ditur qytetarët, të cilët kanë publikuar pamje nga pompat e derivateve.

Kryetari i Shoqatës së Naftëtarëve të Kosovës, Fadil Berjani para dy ditësh tha se rritja e çmimeve po reflektohet në tregjet ndërkombëtare.

Berjani tha se si shkak i agresionit së Rusisë në Ukrainë, ka lëvizje të çmimeve në Berza, e cila reflektohet edhe në Kosovë.

“Brenda kësaj jave do të ketë rritje të lehtë të çmimeve, por nuk mund të flas për shifra sepse ka lëvizje në Berza. Këto lëvizje janë duke ndodhur shkaku i luftës së Rusisë në Ukrainë”, tha Berjani për Sinjalin.