Komuna e Prishtinës ka gjobitur me 200 euro vozitësin e kamionetës i cili dje gjatë ditës shkaktoi dëmtim të gjelbërimit.
Kështu ka bërë të ditur drejtori i inspekcionit, Adonis Tahiri.
“Dëmtimi i gjelbërimit, ndëshkohet”, ka shkruar Tahiri në “Facebook”.
Ndërsa, në orët e paradites, Policia e Kosovës pas raportimeve të mediave dhe qytetarëve ka gjobitur me 100 euro dhe një pikë negative vozitësin i cili duke dashur t’i shmanget pritjes në kolonë, ka ndërmarrë veprime që rrezikonin pjesëmarrësit e tjerë në trafik.
Vozitësi i kamionetës së tipit Volkswagen ka kaluar përmes hapësirës gjelbëruese nga njëri në drejtimin tjetër të rrugës.
