Deputeti nga radhët e Lidhjes Demokratike të Kosovës, Driton Selmanaj, ka deklaruar se subjekti politik ku ai bën pjesë, ka gabuar që i ka dhënë votë Vjosa Osmanit për t’u zgjedhur presidente.
Selanaj shtoi se me këtë veprim politik, LDK-ja i tradhtoi votuesit e vet.
“Në takimin e parë që kemi pasur unë kam treguar se nuk do ta votoj”.
“Tentohej që këtë ta lidhnin me inate personale. Kjo nuk ka të bëjë aspak me inate personale. Unë mendoj që LDK-ja ka gabuar që i ka dhënë votë Vjosa Osmanit. Neve na kanë votuar 110 mijë votues, që kanë pasur mundësi ta votojnë edhe Vjosa Osmanin në Vetëvendosje, siç edhe e kanë votuar”, tha ai në T7.
