Instituti i Shëndetit Publik të Kosovës (IShPK), ka rekomanduar që zgjedhjet e parapara të mbahen nesër të pezullohen përkohësisht, raporton Llapi.info.
Ky rekomandim i është dërguar Presidentit Thaçi, me ç’rast ky i fundit ka dekretuar shtyrjen e këtyre zgjedhjeve.
“Në mbështetje të nenit 6 të Ligjit Nr. 03/L-094 për Presidentin e Republikës së Kosovës (GZ, nr. 47, 25 janar 2009), nenit 4 të Ligjit nr. 03/L-072 për Zgjedhjet Lokale në Republikën e Kosovës (GZ, nr. 32, 15 qershor 2008), si dhe duke marrë parasysh kërkesën e Komisionit Qendror të Zgjedhjeve, të pranuar nga Zyra e Presidentit më 14 mars 2020, Presidenti i Republikës së Kosovës ka nxjerr vendim për shtyrjen e mbajtjes së zgjedhjeve të jashtëzakonshme për Kryetar në Komunën e Podujevës. Data e zgjedhjeve do të përcaktohet më vonë, pas vlerësimit të gjendjes epidemiologjike dhe pas pranimit të vlerësimit se do të jetë e sigurt që të mbahen zgjedhjet për Kryetar të Komunës së Podujevës”, thuhet në njoftimin e Presidencës./Llapi.info
