Temperaturat e ajrit do të vazhdojnë të pësojnë rënie të ndjeshme nën vlera mesatare. Minimalet do të luhaten nga 9C deri në 13C, e maksimalet nga 17C deri në 23C.
Gjatë ditës së sotme, sipas “Prishtina Weather”, në Kosovë do të mbajë mot më i ftohtë, kryesisht i vranët, e kohë pas kohe me reshje shiu.
Ndërkaq, për nesër e pasnesër, pritet të mbajë mot kryesisht me vranësira, kohë pas kohe me shi. Pasdite reshjet mund të shoqërohen edhe me bubullimë.
Derisa në Evropën perëndimore fusha të presionit të lartë dhe masa më të ngrohta të ajrit do të sjellin mot më stabil dhe të ngrohtë, mbi rajonin tonë masat e ftohta ajrore që depërtuan nga veriu i kontinentit dhe fusha të presionit të ulët do të kushtëzojnë mot më të ftohtë, me vranësira dhe kohë pas kohe me reshje shiu.
Sipas “Prishtina Weather”, do të fryjë erë mesatare dhe mesatarisht e fuqishme nga verilindja 3-13m/s. Shtypja atmosferike, gradualisht do të zbres nën vlera normale.
