Ky kombinim i mrekullueshëm veror do t’ju pushtojë që në kafshatën e parë!
Përbërësit e nevojshëm:
– 5-7 speca të pjekur;
– 500 gramë djathë të freskët të kulluar mirë;
– 2-3 lugë parmezan;
– bimë erëzash sipas dëshirës (qepujka, borzilok, rozmarinë);
– 2 thelpinj hudhra;
– kripë sipas dëshirës;
– piper sipas dëshirës.
Përgatitja:
Djathin e kulluar mirë përzieni dhe shtoni erëzat, sipas dëshirës, hudhrën e grirë mirë dhe kripën.
Mbushni specat dhe radhisni në një enë rezistuese ndaj zjarrit, të cilën e keni bërë me vaj ulliri.
Fusni në furrën e nxehur dhe piqni rreth 20 minuta në 200 gradë Celsius.
Specat shërbeni të nxehtë, por janë të shijshëm edhe kur ftohen.
