UEFA nuk i humb shpresat për rinisjen e sezonit.
Numri një i UEFA-s, Aleksander Ceferin, insiston se ai nuk është gati për të hedhur ‘peshqirin e bardh’ dhe se duhet të “presim derisa të jemi në gjendje të luajmë”.
Kampionati Evropian u anulua për shkak të COVID-19, dhe UEFA po planifikon që ajo kohë të shfrytëzohet për rinisjen e sezonit që gjithashtu është ndërprerë për shkak të koronavirusit pothuajse që 2 muaj.
“Është shumë herët për të thënë se s’mund të kompletojmë sezonin”, tha Ceferin për Corriere della Sera. “Duhet të respektojmë vendimet e autoriteteve dhe të presim derisa të jemi në gjendje të luajmë”.
“Po i shikojmë disa opsione, gjithmonë duke u bazuar në datën e rinisjes. Do të ishte e vështirë të përfundojmë sezonin në shtator ose tetor, sepse do të ndikonte shumë në kalendarin e sezonit të ardhshëm”.
