“Uragani” shqiptar, Tefik Bajrami është rikthyer furishëm për të boksuar në qytetin e tij të lindjes duke mposhtur kroatin Marino Goles.
Pas dy raundesh, kundërshtari kroat nuk ishte më i aftë që të boksoj kundër “Uraganit” nga Podujeva.
Ishte raundi i dytë kur Tefiku lëshoj disa goditje ndaj Goles, por një goditje në dorën e majtë, ishte fatale për kundërshtarin, shkruan Llapi.info.
Para se të filloj raundi i tretë, kroati u detyrua që ta dorëzoj meqin. Mjaftoi hedhja e peshqirit të bardhë në mes të ringut dhe palestra “Hakif Zejnullahu” të ndizej duke festuar për këtë fitore. Fitore e cila i siguroj Bajramit titullin WBF.
Me këtë fitore, dy herë kampioni evropian i versionit WBU, regjistron 11 fitore dhe vetëm një humbje në boksin profesionist./Llapi.info
