Një ngjarje e rëndë ka ndodhur sot në Prishtinë, ku zyrtari i Policisë së Kosovë, Alban Tolaj, është gjetur pa shenja jete në rrugën “Ahmet Korenica”. Polici 47-vjeçar ka humbur jetën në rrethana të dyshimta, ku sipas Policisë dyshohet se ai i dha fund jetës, mirëpo hetimet për zbardhjen e rrethanave të rastit janë duke vazhduar, raporton Gazeta Sinjali.
Në lidhje me vdekjen e policit Tolaj, kanë reaguar shumë miq e familjarë të tij, e po ashtu kolegë nga Policia e Kosovës.
Dhimbjen për vdekjen e zyrtarit të Policisë, përmes një postimi emocionues e ka shprehur edhe vajza e tij, Elsa Tolaj.
“Babush, shpirti jem, dashnija jeme e pare dhe ma e madhe… Allahu qofte i meshirshem me ty dhe te shperblefte me Xhenet, aty ku s’ka me dhimbje as mërzi, veç paqe e lumturi.
Inshallah nje dite takohemi prape, aty ku dashnia nuk ka fund. Te don cika jote e vogel perjetësisht, babush. Nuk je fizikisht ketu, por ne zemrën time je çdo sekonde. Pusho i qete, shpirti jem…”, ka shkruar ajo në një postim në Instagram.
