Kryeministri i Kosovës, Avdullah Hoti, ka prezantuar sot masat e reja për parandalimin e përhapjes së COVID-19, të cilat do të hyjnë në fuqi të premten, pasi në këto momente në mbledhjen elektronike të qeverisë janë duke u shqyrtuar.
Gazeta Sinjali ka siguruar propozim-vendimin me masat e prezantuara nga kryeministri Hoti.
Këto janë disa nga veprimtaritë që do të ndalohen:
Ndalohet grumbullimi i qytetarëve prej më shumë se 5 personave në sheshe publike, parqe dhe vende publike, me përjashtim të rasteve të lejuara me këtë vendim.
Ndalohen të gjitha tubimet publike, përfshirë seminaret, punëtoritë, dasmat dhe ahengjet familjare, ceremonitë dhe veprimtarite fetare (përveç familjes së ngushtë), si dhe çfarëdo forme tjetër e organizimit me përjashtim të rasteve të lejuara me këtë vendim.
Ndalohet veprimtaria e tregjeve publike të automjeteve dhe kafshëve në të gjithë territorin e Republikës së Kosovës.
