Viti i ri shkollor ka nisur në të gjitha shkollat e Komunës së Podujevës, njofton Llapi.info.
Shefi i Drejtorisë për Arsim në Komunën e Podujevës, Xhevat Llugaliun, ka thënë për Llapi.info se mësimi ka filluar sipas orarit në të gjitha shkollat pa ndonjë problem.
“Mësimi ka filluar në të gjitha shkollat e Podujevës, duke përfshirë 37 shkolla fillore, 3 të mesme dhe një çerdhe”, ka thënë Llugaliu.
Sipas Llugaliut, mësimi në të gjitha këto institucione arsimore ka filluar sipas orarit të paraparë.
Më tej, Llugaliu ka uruar të gjithë nxënësit dhe personelin arsimor të shkollave të komunës së Podujevës me rastin e fillimit të vitit shkollor.
Në ndërkohë edhe Sindikata e Arsimit në Podujevë, me anë të një komunikate ka uruar të gjithë nxënësit dhe mësimdhënësit me rastin e fillimit të vitit të ri shkollor, sidomos ata që ulen për herë të parë në bankat shkollore./Llapi.info
