Sot pritet që Kosova të marrë rekomandimin pozitiv nga Komisioni Evropian per liberalizimin e vizave.
Kreu i PSD-së, Shpend Ahmeti e ka vlerësuar këtë si një lajm të mirë, duke thënë se Kosova meriton të mos jetë e izoluar.
Ahmeti ka theksuar se puna më e madhe në procesin e liberalizimin të vizave ngelet para nesh, në Këshillin e Ministrave respektivisht, pasi sipas tij, vendet e BE-së po përballen me krizat me refugjatë.
Më poshtë gjeni postimin e plotë të Ahmetit.
“Kosova do ta merr sot rekomandimin pozitiv nga Komisioni Evropian për liberalizimin e vizave. Pa marr parasysh kriterin e fundit, Kosova meriton të mos jetë e izoluar dhe të jetë e barabartë me shtetet e tjera të Ballkanit. Qytetarët nuk duhet ta paguajnë dënimin e të korruptuarve. Ata duhet të paguajnë dënimin vetë dhe për këtë duhet të luftojmë të gjithë.
Duhet ta kemi parasysh që kjo nuk është fundi i procesit. Parlamenti Evropian është shumë pozitiv për liberalizim, por beteja më e madhe do te zhvillohet në Këshillin e Ministrave në vjeshtë kur për shkak te krizave me refugjatë dhe zgjedhjeve për PE shtetet janë tepër skeptike.
Vizat duhet të liberalizohen sepse qytetarët e Kosovës e meritojnë. Të gjithë duhet të punojmë në lobim, jo për ti dhënë kredite kësaj qeverie që duhet të largohet sa më shpejtë, por për ti dhënë mundësi Kosovës të ndihet më e lirë dhe më e barabartë”.
